आमच्याबद्दल

किसानियन्सची सुरुवात एका साध्या प्रश्नातून झाली: मेहनत शेतकऱ्याची, मग योग्य भाव आणि वेळेवर माल त्याला का मिळत नाही?

आम्ही गावोगावी हेच पाहिलं. बाजारात आज काय दर आहे ते माहीत नसतं, म्हणून व्यापारी सांगेल त्या भावात माल जातो. खत किंवा औषध हवं असेल तर अर्धा दिवस तालुक्याला जाण्यात जातो. जनावर विकायचं असेल तर ओळखीच्या चार लोकांपलीकडे खरेदीदार मिळत नाही.

म्हणून आम्ही असं ॲप बनवलं जे शेतकरी स्वतः, आपल्या भाषेत वापरू शकेल. बाजारभाव, जवळच्या दुकानातून घरपोच खत-बियाणे, जनावरे आणि यंत्रांची खरेदी-विक्री, हवामान, सरकारी योजना आणि पिकाचा सल्ला. मध्यस्थ कमी आणि निर्णय शेतकऱ्याच्या हातात.